د دغه وزارت خبرپانې وایي، تېره ورځ وسله والو طالبانو د هلمند په مارجې او ناوې ولسواليو کې پر امنيتي پوستو د بريدونو پلان درلود چې د افغان هوایي ځواکونو په ملاتړ یې مخه ونیول شوه.
د وزارت په خبرپاڼه کې همدارنګه ویل شوي چې په دغو بریدونو کې ۱۲ وسله وال طالبان ووژل شول او اووه نور ټپیان شول.
له یاد وزارت څخه په یوه بله خبرپاڼه کې راغلي چې ځواکونو یې د غزني مرکز اړوند د ارزوخورد په سیمه کې د وسله والو طالبانو د بریدونو مخه نیولې او په رامنځته شوې نښته کې شپږ طالبان وژل شوي او دوه نور ټپیان شوي دي.
دې سرچینې افغان سرتیرو ته د اوښتې مرګ ژوبلې په تړاو څه نه دي ویلي.
وسله والو طالبانو تر اوسه د دفاع وزارت د دې ادعا په غبرګون کې تبصره نه ده کړې.
