په ارزګان کې ۷ تنه سېلابونو له ځان سره وړي او لا درکه دي

په ارزګان ولايت کې له سختو ورښتونو وروسته د سېلابونو د راوتو له کبله ۷ کسان لا درکه شوي.
د ارزګان د دهراوود ولسوالۍ ولسوال خليفه سعادت کليد ته وویل، سېلابونو د خلکو په زرګونو جريبه ځمکه هم ويجاړه کړې او ډېر شمېر کورنۍ له خپلو کورونو بې ځایه شوې دي.
سعادت زياتوي، که څه هم په بېړنۍ توګه يې له يو شمېر زيانمنو سره مرسته کړې خو دا مرستې کافي نه دي او اړتيا ده چې نورې مرستې هم ورسره وشي. هغه له خيريه ټولنو غوښتنه وکړه چې په دې سخت وخت کې د ارزګان د خلکو لاسنیوی وکړي او لازمې مرستې ورسره وکړي.
افغان حکومت وايي، په وروستيو څو ورځو کې د افغانستان په ۱۶ ولايتونو کې ورښتونه شوي او له کبله يې راوتو سېلابونو خلکو ته ځاني او مالي زيانونه اړولي دي.