په دايكندي كې به سږ كال له ۶۰ زرو زيات مېوه لرونكي او بې مېوې نيالګي كېنول شي.
د دې ولايت د كرنې، اوبو لګولو او مالدارۍ رئيس عبدالواحد فېروزي كليد ته وويل، هلته د نيالګيو كېنولو كمپاين پيل شوى او يوه مياشت به دوام ولري.
د هغه په وينا، په تېر ژمي كې د ډېرو ورښتونو له كبله به بزګران په روان ۱۳۹۸يم لمريز كال كې له وچكالۍ سره مخ نه شي.
په تېر ۱۳۹۷يم لمريز كال كې په دايكندي كې وچكالۍ د بادامو حاصلات ۴۰ فيصده كم كړل، چې په ترڅ كې يې باغ لرونكي له مالي پلوه ډېر زيانمن شول.
