د سلجه په نوم دا زندان د یاد هېواد پلازمېنې ابوجا ته نږدې جوړ شوی دی.
د دغه زندان یو چارواکي اسوشټېډ پرېس ته ویلي چې دمګړی د بندیانو د موندلو هڅې روانې دي.
په همدې حال کې د زندان ویاند ادمو دوزا ویلي چې له زندان څخه ۱۱۸ بندیان تښتېدلي؛ خو لس تنه یې بېرته نیول شوي دي.
نوموړی ویلي، عامو خلکو ته یې امر کړی، چې د مشکوک کس د لیدو په صورت کې نږدې امنیتي بنسټونو ته خبر ورکړي.
سره له دې چې نوموړي د تښتېدلو بندیانو په اړه زیات جزیات نه دی ورکړي؛ خو تر دې وړاندې په سلجه زندان کې تر ډېره د بوکو حرام ډلې غړي بندیان وو.
کلید ګروپ په ټویټر او فیسبوک کې وګورئ
