د هرات سیمه ییز چارواکي په دغه ولایت کې پخپلمنځۍ نښته کې د درېیو کسانو د وژل کېدو خبر ورکوي.
د دغه ولایت د والي ویاند نجم الدین برهاني کلید ته وویل، پېښه تېره شپه د یاد ولایت په قادس ولسوالۍ کې رامنځته شوې ده، چې درې کسان پکې وژل شوي دي.
هغه د پېښې علت کورني اختلافونه یاد کړل.
د ده په خبره، دغه سیمه د وسله والو طالبانو تر کنټرول لاندې ده او حکومت پکې واکمني نه لري.
دا په داسې حال کې ده، چې په باغېس کې وخت ناوخته د خلکو تر منځ خپلمنځۍ نښتې رامنځته کېږي، چې یو شمېر کسانو ته پکې مرګ ژوبله اوړي.
