په فلپين كې د سېلابونو راوتو له كبله د وژل شويو كسانو شمېره له څلور سوو واوښته او لسګونه نور نادركه دي. دغه سېلاب د واشي په نامه سمندري طوفان له امله د سختو بارانونو وروسته راووت او له دې امله ډېرى مرګ ژوبله د فلپين
په فلپين كې د سېلابونو راوتو له كبله د وژل شويو كسانو شمېره له څلور سوو واوښته او لسګونه نور نادركه دي.
دغه سېلاب د واشي په نامه سمندري طوفان له امله د سختو بارانونو وروسته راووت او له دې امله ډېرى مرګ ژوبله د فلپين په جنوب كې پرتې منډاناو جزيرې كې رامنځته شوې ده.
پر دغې جزيرې له سخت باران وروسته نيمه شپه يو ناڅاپه سېلاب راغى او خلكو ته يې د هيڅ كار موقع په لاس ورنه كړه.
د چارواكو په وينا، په ډېر شمېر كې خلك نادركه دي او زرګونه خلك د جزائر لوړو ځايونو ته لېږدېدلي دي.
په فلپين كې د طبيعي پېښو پر وړاندې د مبارزې ادارې مشر بينيټو راموس رسنيو ته ويلي، چې منډاناو جزيرې كې د مړو شويو كسانو شمېرې كې ښايي ډېروالى راشي.
راموس يوه ځايي تلويزېزيون سره په خبرو كې وويل، چې دغه سېلاب داسې مهال په ناڅاپي ډول راووت، چې خلك په خواږه خوب ويده وو او له همدې امله هېچا ته د كوم اقدام موقع په لاس ورنغله.
په فلپين كې هر كال لږ تر لږه ۲۰ ستر طوفانونه راځي او د روان كال په سبټمبر كې د دوو سترو طوفانونو له كبله له سلو زيات كسان وژل شوي وو.
کلید ګروپ په ټویټر او فیسبوک کې وګورئ
