مسؤلان دفتر هماهنگی کمک‌های بشری سازمان ملل متحد(اوچا) می‌گویند که سازمان جهانی غذا، روند انتقال مواد خوراکی و پول نقد را برای کمک به نیازمندان افغان، آغاز کرده است.
زلاتان ملیسیک، از مسؤلان اوچا در یک تویتی نگاشته که در آستانه فرا رسیدن فصل زمستان، سازمان جهانی غذا، 12 هزار و 500 تُن مواد خوارکی و 240 میلیون افغانی را به ولایت‌ها انتقال می‌دهد.
به گفته وی، این مواد برای 720 هزار افغان نیازمند، کفایت می‌کند تا زمستان سخت را سپری کنند.
این درحالیست که بیشتر خانواده‌های بی‌جاشده در نقاط مختلف کشور، با تهدید سردی هوا و نبود سرپناه مواجه اند و اداره‌های دولتی، خواستار کمک نهادهای بین‌المللی با این خانواده‌ها شده‌اند.
