د خيبرپښتونخوا په چارسدې ولسوالۍ كې د پوليسو يوې موقتې پوستې ته څېرمه بمي چاودنه رامنځته شوې، چې له كبله يې يو پوليس ووژل شو.
د خيبرپښتونخوا په چارسدې ولسوالۍ كې د پوليسو يوې موقتې پوستې ته څېرمه بمي چاودنه رامنځته شوې، چې له كبله يې يو پوليس ووژل شو.
د بهرامن په نامه د پوليسو يوه افسر د بي بي سي اردو څانګې ته ويلي، چې دغه چاودنه نن سهار د چارسدې په شب قدر سيمه كې رامنځته شوې او له كبله يې يو پوليس وژل شوى دى.
د ده په وينا، ياده پېښه پوستې ته څېرمه د ځاى پرځاى شويو چاودېدونكو توكو پرمټ رامنځته شوې، چې ښايي د شپې به ځاى پرځاى شوي وو.
د بريد پړه لا د پاكستاني دولت كومې وسله والې مخالفې ډلې پرغاړه نه دى اخيستى او نه هم په دې اړه لا كومې رسمي سرچينې څه ويلي دي.
کلید ګروپ په ټویټر او فیسبوک کې وګورئ
