حامد کرزی رئیس جمهور پیشین افغانستان روز دوشنبه در دفتر کارش با عبدالله عبدالله رئیس اجراییه حکومت وحدت ملی دیدار کرد.
گفته می شود در این دیدار روی وضیعت جاری کشور، منطقه و ستراتیژی جدید ایالات متحده امریکا برای افغانستان صحبت همه جانبه صورت گرفته است.
این در حالیست که اخیراٌ عبدالله عبدالله در سفرش به ولایت کندهار در میان مردم و مقام های حکومتی آن ولایت از حامد کرزی ستایش کرده است.به گفته عبدالله کار های رییس جمهور پیشین باید مورد قدر دانی قرار گیرد.
وی همچنان تصریح کرده است که حامد کرزی در زمانی به قدرت رسید که افغانستان هیچ چیزی نداشت اما حالا در بخش های مختلف پیشرفت های صورت گرفته است.
پس از سه سال حکومت وحدت ملی این نخستین بار است که عبدالله عبدالله رییس اجراییه حکومت از حامد کرزی رییس جمهور پیشین چنین به نیکی یاد کرده است.
