تعمیر یک باب مکتب در فاریاب به بهره‌برداری سپرده شد

مولوی حفیظ‌الله معتصم بالله؛ رییس معارف فاریاب می‌گوید که این مکتب با هزینه‌ی بیش از 24 میلیون و 200 هزار افغانی، اعمار شده که دارای 13 صنف درسی است.

به گفته‌ی او، این مکتب با حمایت مالی ناروی، توسط موسسه دارت اعمار گردیده است.

بر اساس معلومات ریاست معارف فاریاب، از مجموع 550 باب مکتب در این ولایت، 150 مکتب آن تعمیر ندارد و شاگردان، در زیر خیمه‌ها و سایه‌ی درختان درس می‌خوانند.

این ریاست، می‌گوید که قرار است در سال جاری، 17 باب مکتب دیگر نیز در این ولایت اعمار گردد.