آغاز عملیات مشترک نیروهای امنیتی در لغمان

نیروهای امنیتی به رهبری اردوی ملی عملیات مشترک را در ولایت لغمان آغاز کردند.

اسدالله دولتزی سخنگوی والی لغمان می گوید که این عملیات صبح امروز (دوشنبه،1 میزان) تحت نام موج سیلاب نمبر 7 در مربوطات مرکز و ولسوالی الینگار این ولایت آغاز شده است.

به گفته سخنگوی والی لغمان، هدف از راه اندازی این عملیات، تامین امنیت انتخابات ریاست جمهوری می باشد.

قرار است انتخابات ریاست جمهوری به تاریخ ششم میزان سال جاری در سراسر کشور برگزار شود ونیروهای امنیتی از تدابیر ویژه برای تامین امنیت این روند خبر داده اند.