د كورنيو چارو وزارت وايي، د بايومټريك سيسټم د پلي كولو له كبله اوس په دې وزارت كې خيالي پوليس موجود نه دي.د كورنيو چارو وزارت د مرستيال وياند نصرت رحيمي په وينا، دمګړۍ د دغه وزارت په چوكاټ كې ۱۳۵ زره پوليس فعاليت كوي، چې ډېرى يې بايومټريك شوي او په دې كار سره د كورنيو چارو په وزارت كې د ميليونونو افغانيو فساد مخه نيول شوې ده.نوموړى زياتوي، په بايومټريك سيسټم كې د هېواد ملي او سيمه ييزو پوليسو د اسنادو، سوانحو او معلوماتو ثبتول د پوليسو د څلور كلن ستراتېژيك پلان د بنسټيزو اصلاحاتو يوه برخه ده.نړيوالې ټولنې څو وارې له افغان حكومته د خيالي پوليسو د مسئلې د حل او د پوليسو له معاشونو د ناوړه ګټه اخيستونكو كسانو په ضد د جدي اقداماتو غوښتنه كړې وه.