په داسې حال كې، چې ټاكل شوې وه نن د سيد جمال الدين افغان دارالمعلمين استادان او محصلين لاريون وكړي، خو امنيتي ځواكونو د هغوى مخه نيولې ده.
دوى وايي، له مخكې يې امنيتي ارګانونه د خپل لاريون په اړه خبر كړي وو، خو بيا هم نه پرېښودل كېږي، چې له دغه دارالمعلمينه تر ارګه په اعتراضي ډول لاړ شي.
امنيتي ځواكونه بيا د اعتراض كوونكو د مخنيوي علت لوړ امنيتي ګواښونه يادوي.
د يادونې وړ ده، چې له تېرو شاوخوا شپږ نيمو مياشتو راهيسې د سيد جمال الدين افغان دارالمعلمين د استادانو او محصلينو تحصن دوام لري.
دوى پوهنتون ته د دارالمعلمين د ارتقا غوښتنه كوي.
کلید ګروپ په ټویټر او فیسبوک کې وګورئ
