د امریکا په ځنګلونو کې اور لګېدنې ۲۵ تنه وژلي

د دوی د معلوماتو له مخې، دا اورلګېدنه د هوا د ډېرې ګرمېدو له کبله رامنځته شوې او هلته پراخه باد د دې لامل شوی چې لګېدلی اور نورو سیمو ته وغځېږي.
سرچېنه زیاتوي، تر اوسه ۲۵ تنه په دې اورلګېدنه کې وژل شوي او په ډېره کچه ځنګلونه سوځېدلي دي.
د امریکا د اور وژنې ډله وایي، تر دا مهاله زرګونه کورونه له منځه تللي او لاهم د اور مخنیوی نه دی شوی.
د امریکایي چارواکو په وینا، ګڼ شمېر کسان لا درکه دي او اورګېدنې تر دې دمه ۴،۵ میلیونه جریبه ځنګلونه له منځه وړی دی.