نوموړي په همدې هدف جوړو شوو مراسمو ته وویل، یاده رتبه د افغانستان په ټولو وګړو پورې اړوند ده.
ده پخپلو خبرو کې زیاته کړه، افغانستان یو حساس پړاو ته رسېدلی او پر جمهور رییس غني او ډاکتر عبدالله عبدالله یې غږ وکړ چې سیاسي اختلافونه حل کړي او یووالي ته مخه کړي.
هغه خبرداری ورکړ، که د مشرانو تر منځ یووالی رامنځته نه شي، لېرې نه ده چې اوسنی میدان به طالبانو او د هغوی جوړ شوي امارتي نظام ته پاتې شي.
دوستم ته د دې رتبې ورکړه د جمهور رییس غني او عبدالله تر منځ د سیاسي هوکړې یوه برخه وه.
په دې سره دوستم تر شاه ولي خان او محمد قسیم فهیم وروسته د افغانستان درېیم مارشال ونومول شو.
