براساس دستور حیات‌الله حیات، والی ولایت هلمند، برای نخستین بار روند حساب‌دهی مقام‌های دولتی به مردم آغاز شد.
به گفتۀ مقام‌ها در این ولایت، دیروز شماری از مسوولان دولتی از کارکرد های خود به شهروندان هلمند گزارش دادند.
حیات‌الله حیات، والی ولایت یاد شده، می‌گوید: “گزارش‌دهی به مردم جز مکلفیت‌های مقام‌های دولتی است؛ زیرا ادارات دولتی خدمت گزاران مردم اند و باید این کار را انجام دهند.”
حیات، هم‌چنان از شوراهای مردمی و فعالان نهادهای جامعه مدنی خواست که در برنامه گزارش‌دهی مقام‌های دولتی اشتراک کنند و به گونۀ آزادانه حق را طلب کنند.
با این حال، در برنامه دیروز شماری از اشراک کنندگان سوالات و پیشنهادات خود را مطرح کردند که از سوی مقام‌های دولتی پاسخ ارایه گردید.
