د پاكستان او افغانستان ترمنځ د ترانزيت مسئله، چې له ډېرې مودې راهيسې پرې خبرې روانې وې لاسليك شوه.
د پاكستان او افغانستان ترمنځ د ترانزيت مسئله، چې له ډېرې مودې راهيسې پرې خبرې روانې وې لاسليك شوه.
د دغه تړون له مخې افغان سوداګرو كولاى شي د پاكستان له لارې هندوستان ته خپل مالونه ولېږدوي، چې له كبله به يې په وچه كې راحصار افغانستان دنيا ته لاره پيدا كړي.
دغه تړون به وروسته تر هغې د اجرا وړ وي، چې د دواړو هېوادونو پارلمان يې تصويب كړي.
د دغه تړون پرمهال د پاكستان صدراعظم يوسف رضا ګيلاني او د امريكې د بهرنيو چارو وزيرې هېلري كلنټن هم شتون درلود.
له تړون وروسته په يوه ناسته كې د افغانستان او پاكستان لپاره د امريكې ځانګړي استازي ريچارډ هولبروك وويل، چې امريكا له پيله د افغانستان او پاكستان ترمنځ د ښو اړيكو هيله منه وه، چې په وينا يې دا يې ښه بېلګه ده.
د افغانستان د ماليې وزير حضرت عمر زاخيلوال كابل كې رسنيو سره په خبرو كې دا يو نېك او تاريخي ګام وباله او زياته يې كړه، چې په دې سره به د دواړو هېوادونو اړيكې له پسې ښې شي.
د پاكستاني خبري اژانس اى پي پي د معلوماتو له مخې د دغه تړون له مخې به يوازې افغاني مالونه هندوستان ته لېږدول كېږي، له هندوستانه د مالونو رالېږدولو اجازه نشته.
د ياد اژانس په وينا، د دې كار په بدل كې به افغانستان، پاكستاني سوداګرو ته د خپلې خاورې له لارې د منځنۍ اسيا بازارونو ته د تګ راتګ اجازه وركوي.
کلید ګروپ په ټویټر او فیسبوک کې وګورئ
