د هلمند ولایت افغاني سرې میاشتې په هلو ځلو د قطر سرې میاشتي او همکارې موسسې له لوري د سترګو ناروغانو وړیا درملنې په موخه، د ډاکټرانو یوه ۷ کسیزه ډله له کابل څخه هلمند ته راغلې، تر څو دلته په وړیا ډول د سترګو ناروغانو درملنه وکړي.
ددې پروسې د پرانېستو په مراسمو کې ډاکټر محمد جسور ابراهیم خېل د خپلو خبرو پر مهال وویل، چې د ۲۰ ورځو په لړ کې په مرکز لښکرګاه کې “۲۷۱”تنو ته د سترګو د پردو وړیا عملیاتونه او د ۱۶۷۲تنو او پي ډي درملنه کېږي.
“د OPD ناروغانو شمېر۱۶۷۲، د عینکو مستحقین “۵۴۲” او د عامه پوهاوي ناروغانو شمېر ۱۶۷۲” تنه دی، چې د شلو ورځو په لړ کي به د یادو ناروغانو درملنه په وړیا ډول تر سره کړي. “
د سترګو د ناروغیو دې وړیا درملنځي ته راغلو یو شمېر ناروغانو، د افغاني او قطري سرې میاشتې د دغه اقدام ستاینه وکړه او ویې ویل، چې دا لړۍ دې د هېواد نورو سیمو ته هم وغځول شي.
د یادولو ده، چې دا لومړی ځل نه دی چې په دغه ولایت کې د سترګو د ناروغانو وړیا درملنه کیږې، په تېرو کلونو کې هم دوه ځلې د سترګو ناروغانو وړیا درملنه شوې وه.
کلید ګروپ په ټویټر او فیسبوک کې وګورئ
