د یاد وزارت له لوري په یوه خپره شوې خبر پاڼه کې راغلي چې یاد پلاوي د روغتیا نړیوال سازمان له عمومي مشر ډاکټر ټیډروس سره د لیدنې سربېره، د بېلابېلو نړیوالو ادارو په غونډو کې ګډون کړی دی.
په خبر پاڼه کې راغلي چې سرپرست وزیر د همکارو ادارو له مسولینو سره په افغانستان کې د ساري ناروغیو پر کنټرول، د پولیو ناروغۍ په له منځه وړولو، د روغتیايي خدماتو پر پراختیا او معیاري کېدو خبرې کړې دي.
ورته مهال د نړیوالو ادارو مسوولینو د روغتیا په برخه کې له افغانستان سره د دوامدارې همکارۍ ژمنه کړې.
عامې روغتیا وزارت ډاډ ورکړی چې هېوادوالو ته د معیاري او عادلانه روغتیايي خدمات د وړاندې کولو هڅې کوي.
کلید ګروپ په ټویټر او فیسبوک کې وګورئ
