ایسنا خبري آژانس د دغه هېواد د ملي امنیت شورا په حواله سره لیکلي چې د ایران په ۱۶ ولایتونو کې د افغانانو هستوګنه او کار روزګار منع اعلان شوی دی.
سرچینو ویلي چې په دې هکله د سږ کال له پیل راهیسې د بهرنیو وګړو د کنټرول او څار اړوند اته بېلابېلې اجرایوي کړنلارې عملي شوې دي.
ایرانۍ شرق نومې ورځپاڼې د هغو ولایتونو نومونه هم خپاره کړي چې پر افغان کډوالو دغه بندیزونه لګېدلي دي.
په دې وروستیو کې په پرلپسې ډول په ایران او پاکستان کې پر افغان کډوالو محدودیتونه ډېر شوي او تر څنګ یې په زور خپل هېواد ته د ستنولو لړۍ هم چټکه شوې.
