ads

د ترهګرۍ مخنیوي لپاره د مذاکراتو پیل

د پاکستان د بهرنیو چارو وزارت وایي چې له اسلامي امارت سره یې د ترهګرۍ مخنیوي او امنیت ټینګېدو په اړه مذاکرات پیل کړي دي.

شېرشاه عزیزي
11 لیندۍ 1402
د ترهګرۍ مخنیوي لپاره د مذاکراتو پیل

د پاکستاني رسنیو د معلوماتو له مخې، د دغه وزارت ویاندې «زهرا بلوچ» په اسلام‌‌اباد کې په خبري کنفرانس کې ویلي چې دا خبرې د دوی استخبارات مخته وړي او نه غواړي چې اوس‌مهال په دې اړه جزیات وړاندې کړي.
بلوچ دا هم ویلي چې د دغو ډلو پر ضد باید اغېزمن او معنی لرونکي اقدام وشي او دوی باید د یادو ډلو پر وړاندې د اسلامي امارت د اقداماتو ثابتې پایلې وګوري.
که څه هم چې اسلامي امارت تر اوسه په دې اړه څه نه دي ویلي، خو تر دې وړاندې یې د پاکستان هر ډول ادعا رد کړې وه او ویلي یې وو چې پاکستان دې خپلې کورنۍ ستونزې په خپل کور کې حل کړي.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2024

Copyright 2022 © TKG: A public media project of DHSA