نوموړي د وزیرانو شورا غونډې ته ویلي چې د افغان کډوالو خدمت باید د ټولو ادارو د کارونو په سر کې وي.
د ذبیح الله مجاهد پر ټوېټرپاڼه په خپره شوې خبرپاڼه کې راغلي چې نوموړي یو وار بیا ټولو مسوولینو ته امر کړی چې له خلکو سره نرم چلند وکړي او ټولو ته په یو نظر وګوري.
په دې ناسته کې له ګاونډیو او نورو هېوادونو سره د اړیکو پر پراختیا او د شته ستونزو پر هواري خبرې شوې دي.
همدارنګه په ترسره شوې ناسته کې د ښوونکو او زده کوونکو د علمي ظرفیت لوړونې او د دوی د ستونزو په اړه هم بحثونه شوي دي.
که څه هم په اعلامیه کې په دې اړه زیات جزیات نه دي ورکړل شوي، خو ویل شوي چې د ښوونکو او زده کوونکو د ستونزو د حل په اړه یو شمېر تصامیم هم ونیول شول.
