د ننګرهار د اطلاعاتو او فرهنګ ریاست له خوا په خپره شوې خبرپاڼه کې راغلي چې د ستونزې د حل لپاره افغان او پاکستاني مسوولينو خبرې وکړې او ډاډ یې څرګند کړی چې دغه ستونزه به په دايمي ډول حل شي.
یاد رياست تر دې وړاندې ویلي وو چې د تورخم دروازه يوځل بيا د پاکستاني مسوولينو له لوري د ترانزېټ پر مخ په داسې حال کې په مشروط ډول وتړل شوه چې له موټر چلونکو څخه يې د وېزې او پاسپورټ غوښتنه کوله.
درې مياشتې وړاندې هم دغه دروازه پاکستانيو مسوولینو د هر ډول تګ راتګ پرمخ تړلې وه.
