افغانستان د ۲۰۱۶ کال کرکېټ شل اوريزو نړيوالو اتلوليو ته د غوراوي په سياليو کې خپله لومړۍ لوبه له هالنډه وګټله.
د لوبې پچه هالند وګټله او لومړۍ يې افغانستان ته يې د بټېنګ يا توپ وهنې بلنه ورکړه. افغانستان د ۲۰۱۶ کال کرکېټ شل اوريزو نړيوالو اتلوليو ته د غوراوي په سياليو کې خپله لومړۍ لوبه له هالنډه وګټله.
د لوبې پچه هالند وګټله او لومړۍ يې افغانستان ته يې د بټېنګ يا توپ وهنې بلنه ورکړه.
په لوبه کې اصغر ستانکزي او نوروز منګل د ۳۹ منډو ملګرتيا وکړه، سميع الله شينواري هم له محمد نبي عيسی خيل سره د شپېتو منډو په ملګرتيا ولاړ و، چې نبي ۳۳ او شينواري ۴۴ منډې وکړې، د افغانستان په پاڼۍ کې تر ټولو تېزې منډې د نجيب ځدراڼ وې چې په ۱۱ توپونو يې ۳۳ منډې وکړې.
په دې لوبه کې افغانستان په ټاکلو ۲۰ اورونو کې ۱۶۲ منډې وکړې او هالنډ ته يې د ۱۶۳ منډو هدف وټاکه. بيرته په ځواب کې هالنډ د ټولو لوبغاړو په سوځېدو يوازې ۱۳۰ منډې جوړې کړې او لوبه يې وبايلله.
د افغانستان په توپ اچوونکو کې نجيب الله ځدران او شرف الدين اشرف ښه وځلېدل او درې درې لوبغاړي يې وسوځول.
افغانستان بله لوبه نن مازيګر د سکاټلنډ په اېډنبرا کې له متحده عرب اماراتو سره لري.
د ۲۰۱۶ کال شل اوريزو نړيوالو اتلوليو لپاره غوراوي دې سياليو کې افغانستان په بي ګروپ کې له هالنډ، متحده عرب امارات، سکاټلنډ، کېنيا او عمان سره دي
