د اروپايي ټولنې د غړو هېوادونو د بهرنيو چارو وزيرانو د يوه پرېكړه ليك له مخې اعلان وكړ، چې دا ټولنه په افغانستان كې د سولې هوكړې د پلي كولو په برخه كې ضمانت وركولو ته چمتو ده. په دې پرېكړه ليك كې، چې د دوشنبې په ورځ په لوګزامبورګ كې په يوه غونډه كې صادر شوى، ټينګار شوى، چې د سولې بهير بايد...
د سرپل په سانچارك ولسوالۍ كې د امنيتي ځواكونو پر يوه ګډ بېس د وسله والو طالبانو د بريد له كبله ۱۲ افغان سرتېرو ته مرګ ژوبله اوښتې ده. د دغه ولايت د والي وياند ذبيح الله اماني كليد ته وويل، طالبانو تېره نيمه شپه د سانچارك ولسوالۍ د مركز په ختيځ كې د امنيتي ځواكونو پر ګډ بېس بريد كړى، چې د جګړې...
د تخار ولايتي چارواكي وايي، د دغه ولايت په مركز تالقان ښار كې يوه ځوان د بېوزلۍ او بې كارۍ له كبله ځان په دار ځړولى او خپل ژوند ته يې د پاى ټكى ايښى دى. د تخار د والي وياند جواد هجري كليد ته وويل، دا ځوان ۲۵ كلن و، مخكې يې په ايران كې كار كاوه او تازه هېواد ته را ستون...
د بلخ د امنيه قوماندانۍ له جنايي جرمونو سره د مبارزې مديريت پوليسو يو قصاب د غويي په نوم د اس د ۵۹۹ كيلو ګرامه غوښې د پلورلو په تور نيولى دى. د دې ولايت د امنيه قوماندانۍ وياند عادل شاه عادل كليد ته وويل، نيول شوى كس سليمان نومېږي او په لومړنيو څېړنو كې يې منلې، چې د اس غوښه يې د مزار...
د سوډان د پوځ د مرکزي قوماندانۍ مخې ته يو ځل بيا د لاريون کوونکو او امنيتي ځواکونو ترمنځ نښته شوې، چې په ترڅ كې يې يو شمېر کسان ټپيان شوي دي. پرون هم د سوډان امنيتي ځواکونو په پايتخت خرطوم کې پر هغو زرګونو کسانو بريد وکړ، چې د دې هېواد د پوځ د مرکزي قوماندانۍ مخې ته د تحصن په دود راټول...
يو شمېر سرچينې وايي، په اسراييل کې د فلسطيني بنديانو او اسراييلي مسوولينو ترمنځ خبرې ناکامې شوي او فلسطيني بنديانو يو ځل بيا اعتصاب پيل کړی دی. د راپورونو له مخې، وروسته له هغې، چې د اسراييل په زندانونو کې د ۱۵۰ فلسطيني بنديانو او د اسراييل د زندانونو د مسوولينو ترمنځ خبرې ناکامې شوې، زندانيانو د دوشنبې په ورځ په ريمون او نقب...
د پروان په بګرام ولسوالۍ كې موټر بم ځانمرګي بريد اوو امريكايي سرتېرو ته مرګ ژوبله اړولې ده. په افغانستان كې مېشتو امريكايي ځواكونو تاييد كړې، چې په دغه بريد كې يې څلور سرتېري وژل شوي او درې تنه نور ټپيان دي. په همدې حال كې د پروان د امنيه قوماندانۍ وياند عبدالسليم نوري وايي، ځانمرګي بريد كوونكي تېر مازديګر شاوخوا پنځه بجې او ۴۰...
د ملي دفاع وزارت په كندوز كې د افغان ځواكونو په هوايي بريدونو كې د ۱۸ ترهګرو د مرګ ژوبلې خبر وركوي. د دې وزارت د خبرپاڼې له مخې، دا بريدونه پرون له غرمې وروسته شاوخوا دوه بجې په امام صاحب ولسوالۍ كې د (اې ۲۹) الوتكو په وسيله د دښمن پر څلورو هدفونو ترسره شوي دي. د سرچينې په خبره، په دغو هوايي بريدونو...
د مخابراتو او معلوماتي ټكنالوژۍ پخوانى وزير عبدالرزاق وحيدي د دوشنبې په ورځ د كورنيو چارو وزارت له درنو جرمونو سره د مبارزې پوليسو نيولى او زنداني شوى دى. د دغه وزارت د وياند د دفتر سرپرست نصرت رحيمي تېر ماښام پر خپله فېسبوك پاڼه ليكلي، وحيدي د ماليې وزارت د مرستيال په توګه د خپل ماموريت په مهال له خپل وظيفوي صلاحيته د...
اجرائيه رياست وايي، د ملي يووالي حكومت، د هېواد سياستوال او د ټولنې نور اقشار به له يوه واحد نظر سره د قطر د پايتخت دوحې په غونډه كې ګډون وكړي. د دې رياست وياند امېد ميثم نن كليد ته وويل، د سولې په تړاو په تېرو غونډو كې د سولې مذاكراتو لپاره واحده اجماع موجوده نه وه او دا ځل د حكومت استازي...