په غزني كې د وسله والو طالبانو له لوري تښتول شوي لسګونه كسان بېرته خوشې شوي دي. د دغه ولايت د والي وياند محمد عارف نوري نن كليد ته وويل، د خواجه عمري ولسوالۍ د ده حاجي کلي ۴۳ تنه اوسېدونکي، چې درې ورځې وړاندې طالبانو برمته كړي وو، تېر ماښام د قومي مشرانو او سپين ږيرو په منځګړيتوب بېرته خوشې شول. هغه زياته كړه،...
د ملي دفاع وزارت اعلان كړى، چې د تخار خواجه غار او بهارك ولسوالۍ په بشپړه توګه د وسله والو طالبانو له شتونه پاكې شوې دي. دې وزارت تېره شپه د دوو خبرپاڼو په خپرولو سره ويلي، چې د هوايي ځواك په ملاتړ د هېواد د امنيتي او دفاعي سرتېرو ګډ تصفيوي عمليات له تېرو څو ورځو راهيسې په يادو ولسواليو كې روان وو. د...
د ننګرهار په مركز جلال اباد ښار کې د چسپكي ماين چاودنې پنځو ملکي وګړو ته مرګ ژوبله واړوله. د دې ولايت د والي وياند عطاء الله خوږياڼي کليد ته وويل، تېره شپه شاوخوا اووه بجې د جلال اباد ښار د څلورمې ناحيې په مربوطاتو کې په يوه سراچه ډوله موټر پورې د نښلول شوي ماين په چاودنه کې يو تن وژل شوى او...
د هلمند په نادعلي ولسوالۍ كې د امنيتي ځواكونو او وسله والو طالبانو ترمنځ په جګړه كې ۳۳ طالبانو ته مرګ ژوبله اوښتې ده. د دغه ولايت د امنيه قوماندانۍ له مطبوعاتي دفتره تېره شپه کليد ته په رالېږل شوې خبرپاڼه کې راغلي، چې طالبانو غوښتل د نادعلي ولسوالۍ په پارچاو سيمه کې پر امنيتي پوستو بريد وكړي، خو د پوليسو له سخت غبرګون...
د باميان د کرنې، اوبو لګونې او مالدارۍ رياست چارواکي وايي، ارزونې يې ښيي، چې سږ کال په دې ولايت كې ۳۷۰ زره ټنه کچالو توليد شوي دي. د دوى په وينا، تر دې وړاندې هلته په کلني ډول شاوخوا ۳۵۰ زره ټنه کچالو ترلاسه كېدل. د باميان د کرنې، اوبو لګونې او مالدارۍ رئيس عبدالوهاب محمدي ويلي، چې هر کال په دغه ولايت كې...
د كابل ښار د دوهمې ناحيې په مربوطاتو كې د چسپكي ماين چاودنې يو تن ټپي كړى دى. د كورنيو چارو وزارت وياند نصرت رحيمي وايي، تېر ماښام شاوخوا شپږ بجې او ۱۵ دقيقې د كابل ښار پر اسمايي واټ د دغه وزارت په يوه رېنجر موټر پورې نښلول شوي ماين چاودنه وكړه. د نوموړي په خبره، په دې پېښه كې د كورنيو چارو وزارت...
په خوست كې دوه تنه وسله وال د تروريستي فعاليتونو، انسان تښتونې او وسله والو غلاوو په تور نيول شوي دي. د دغه ولايت د ملي امنيت رياست وايي، ځواكونو يې دا كسان د شنبې په ورځ ماسپښين مهال نېږدې درې بجې په ګربزو ولسوالۍ کې ونيول. د ياد رياست په خبرپاڼه كې راغلي، چې نيول شوي كسان اصلاً د پکتيا اوسېدونکي دي، خو د...
د بهرنيو چارو وزارت سياسي مرستيال ادريس زمان وايي، د سولې هڅې هغه وخت پايله وركوي، چې طالبان اوربند وكړي او د افغانستان له حكومت سره مخامخ خبرو ته كېني. نوموړي نن خبريالانو ته وويل، افغان حكومت د سولې مذاكراتو د پيل او مخته وړلو يوازينۍ مرجع ده او په راتلونكې كې به هم وي. د زمان په وينا، دوى د سولې هغه خبرې ګټورې...
جمهور رئيس محمد اشرف غني وايي، درې اونۍ وروسته به د هېواد نوى جمهور رئيس د لوړې مراسم ترسره كړي. هغه نن امنيتي او دفاعي ځواکونو ته د زرو اپارتمانونو د وېش په مراسمو کې د وينا په مهال وويل، د نوي جمهور رئيس د اعلانولو مسووليت د ټاكنيزو كمېسيونونو پر غاړه دى. جمهور رئيس غني داسې مهال يادې څرګندونې كوي، چې د مهالوېش پر...
امنيتي سرتېرو د غزني په ده يك ولسوالۍ كې ۱۴ وسله والو طالبانو ته مرګ ژوبله اړولې ده. د دې ولايت د والي وياند محمد عارف نوري وايي، ځانګړو افغان ځواکونو نن سهار وختي د ده يک ولسوالۍ د تاسنګ سيمې په باغونو کې د مخالفينو د ځپلو په هدف تصفيوي عمليات پيل كړي دي. د نوموړي په وينا، تراوسه د دغو عملياتو په ترڅ...