د دغه ولایت د والي ویاند ګل اسلام سیال د جمعې په ورځ کلید ته وویل، پرون ماښام د زابل ولایت د شهر صفا ولسوالۍ په جلدک سیمه کې مارسډیز او ټېلر موټر ټکر کړی. د ده په خبره، په دې پېښه کې ۱۴ تنه وژل شوي او ۱۲ نور ټپیان شوي دي. هغه زیاتوي چې د پېښې لامل د وسله والو طالبانو له خوا...
دا په داسې حال کې ده چې په ټوله نړۍ کې په دې ناروغۍ د اخته کسانو شمېر تر ۱۴۴ میلیونه ډېر شوی او تر درې میلیونه ډېر کسان دې ناروغۍ مړه کړي دي. په ایټالیا کې د دغه ویروس له کبله د مړو شمېر ۱۱۸ زره او ۷۹۹ تنو ته رسېدلی دی. د دې تر څنګ په برازیل کې ۳۸۳زره او ۴۷۵، په مکسیکو...
د بهرنیو چارو وزارت له لوري خپره شوې خبرپاڼه وایي، د یاد وزارت وزیر محمد حنیف اتمر په دې ناسته کې د ګډون لپاره پرون سهار استانبول ته رسېدلی دی. خبرپاڼه زیاتوي، په یاده غونډه کې به د افغانستان د سولې بهیر د بریا، د افغان حکومت او طالبانو د خبرو بیا پیل، د سیمهییزې اجماع پیاوړتیا او په ورته نورو مسایلو خبرې وشي. سرچینې...
نوموړی تېره ورځ مازدیګر ناوخته ۲۰۵ اتل قول اردو ته ورغی او هلته یې د کندهار د امنیتي حالت په تړاو د مسولینو معلومات واورېدل. ده هغو امنیتي مسولینو ته مډالونه ورکړل چې د امنیت ټینګېدو په برخه کې یې اساسي ګامونه پورته کړي وو. د یادولو وړ ده چې جمهور رییس تېره ورځ یوې خبري غونډې د خبرو پر مهال د کندهار له ولسونو...
د دغه ولایت والي سید وحید قتالي تېره ورځ ناوخته په یو خبري کنفرانس کې وویل، دا نجلۍ وړمه ورځ د هرات ښار له پنځمې ناحیې تښتول شوې وه. نوموړی زیاتوي چې د عملیاتو پر مهال درې تښتونکي هم نیول شوي او د نورو د نیولو هڅې روانې دي. په ورته وخت کې د تښتول شوې نجلۍ کورنۍ له حکومته غوښتنه کوي چې نیول شوو...
هغه زياته کړه، طالبان د خبرو مېز او د استانبول سولې په ناسته کې د ګډون لېوالتيا نهلري او دوی بايد له رامنځته شوي فرصت څخه ګټه پورته کړي. د نادري په خبره، طالبان بايد مذاکرات جدي وګڼي او پهکې ګډون وکړي. هغه وويل: «د افغانستان اسلامي جمهوريت د استانبول سولې په ناسته کې د ګډون لپاره چمتووالی درلود او د ګډونوالو لېسټ یې هم چمتو...
نوموړي په همدې هدف جوړې شوې غونډې ته وویل چې افغانان نور له پردیو جګړو ستړي شوي او نه غواړي چې افغانستان د هغوی د جګړو میدان پاتې شي. هغه له هېوادوالو وغوښتل چې متحد او له جمهوریت څخه په ګډه دفاع ته چمتو شي. ده په قطر کې پیل شوې خبرې یوه لوبه وبلله او له طالبانو یې وغوښتل چې هېواد ته راشي او...
د دغه وزارت د ویاند مرستیال میرویس علی زی وایي، په یاده موده کې له دې وبا څخه څلور تنه مړه شوي او ۴۱ تنه بیا ترې روغ شوي، چې په دې سره د مړو شمېر ۲۵۶۵ او د رغېدلو کسانو شمېر ۵۲ زره او ۳۴۲ تنو ته ورسېد. روغتیایي چارواکې وایي، کویډ ۱۹ ناروغي لاهم جدي ګواښ ده او هېوادوال باید روغتیایي لارښوونو...
د امنیه قومندانۍ ویاند فردوس فرامرز د پنجشنبې په ورځ کلید ته وویل، نن ۱۲ بجې او ۳۵ دقیقې د درېیمې ناحیې اړوند د کارته چهار په سیمه کې ناپېژندو وسله والو پر پولیسو برید کړی. د هغه په خبره، په دې پېښه کې یو پولیس وژل شوی او یو بل ټپی شوی دی. دی زیاتوي چې د پېښې انګېزه معلومه نه ده او په...
له دغه وزارت څخه په بېلابېلو خپرو شوو خبرپاڼو کې لیکل شوي چې افغان سرتېرو د هوایي ځواکونو په ملاتړ په زابل، غزني، بلخ او د کابل په پغمان ولسوالۍ کې د طالبانو پر وړاندې عملیات او بریدونه ترسره کړي دي. د وزارت خبرپاڼه زیاتوي، په دغو بریدونو کې ۵۰ طالبان وژل شوي او ۳۳ نور ټپیان شوي دي. د سرچینې په وینا، په یادو...