ستانکزي په خوست ولایت کې د یوې دیني مدرسې په فراغت غونډه کې ويلي چې په شریعت کې د ښځو پر زدهکړو بندیز نهشته او د افغانستان پرمختګ یوازې په علم پورې تړلی دی.
نوموړي همدارنګه زیاته کړې چې په هېواد کې له شل میلیونه ښځو سره بېعدالتي کېږي او دا چاره د طبیعت له مخې ده، نه د شریعت.
د یادونې وړ ده چې د بهرنیو چارو وزارت سیاسي مرستیال شېرمحمد عباس ستانکزي تر دې وړاندې هم څو ځله د نجونو د ښوونځیو او پوهنتونو دروازو د پرانېستلو غوښتنه کړې وه.
دا په داسې حال کې ده چې اسلامي امارت وايي، د یوه مناسب چوکاټ په رامنځ ته کېدو سره به د نجونو زدهکړو ته اجازه ورکړل شي.