د خوړو نړیوال پروګرام په یوه راپور کې ویلي چې په روان ژمي کې د بودیجې د کموالي له کبله یوازې ۶ میلیونه کسانو ته مرستې رسولی شي.
راپور زیاتوي چې د دې ترڅنګ اروپايي ټولنه د خوړو نړيوال پروګرام له لارې له يو ميليون ماشومانو سره، چې نيمايي يې نجونې دي، مرسته کوي.
د خوړو نړیوال پروګرام تر دې مخکې ویلي وو چې په راتلونکو شپږو میاشتو کې له اړمنو افغانانو سره د مرستې لپاره ۶۸۰ میلیونه ډالرو ته اړتیا لري.
