په راپور کې راغلي چې په نږدې راتلونکي کې به په قطر کې د حماس او اسرائیلو ترمنځ د خبرو نوی پړاو پیل شي.
په همدې حال کې د قطر صدراعظم محمد بن عبدالرحمن بن جاسم آل ثاني له سکای نیوز سره په مرکه کې ویلي چې ډونالډ ټرمپ غواړي په جنورۍ میاشت کې د خپلې لوړې له مراسمو مخکې په غزه کې د اوربند او د بندیانو د خلاصون په اړه یوې موافقې ته ورسیږي.
دا په داسې حال کې ده چې په غزه کې د دايمي اوربند او د اسراييلي بنديانو د خلاصون هڅې تر اوسه ناکامې شوې دي.
ډونلډ ټرمپ د خپلو ټاکنیزو کمپاینونو پر مهال ویلي و چې په غزه کې به جګړه ودروي.
