د یونیسف ادارې ویلي چې په بدخشان ولایت کې یې د ۵۰۰ کلیوالي ټولګو او د زده کړو د چټکیدو مرکزونو له لارې زرګونو ماشومانو ته د زده کړو د دوام زمینه برابره کړې ده.
د ملګرو ملتونو د ماشومانو د ملاتړ اداره یونیسف په افغانستان کې د تیرو نږدې دوو لسیزو راهیسې په کلیوالو سیمو کې ماشومانو ته چې کورونه یې له ښوونځیو څخه لیرې دي د کلیوالو ټولګیو له لارې د زده کرو امکانات برابروي.
یونیسف د ۲۰۲۳ کال د اپریل په میاشت کې ویلي وو چې له ننګونو سره سره دغې ادارې په افغانستان کې څه باندې ۵۷۳ زره ماشومانو ته، چې ۵۹ فیصده یې نجوني دي، د کلیوالو ټولګیو له لارې د زده کړو امکانات برابر کړي دي.
یونیسف په افغانستان کې ماشومانو ته د زده کړو د برابرولو لپاره د مالي ملاتړ د چمتو کولو له امله د جاپان د خلکو او حکومت څخه مننه کړې ده.
دا په داسې حال کې ده چې تر دې وړاندې جاپان هېواد هم ژمنه کې وه وه چې په افغانستان کې به د پوهنې په برخه کې خپلو مرستو ته دوام وکړي.
کلید ګروپ په ټویټر او فیسبوک کې وګورئ
