یاد فدراسیون په خپله ایکسپاڼه د یو ګډ راپور په خپرولو سره ویلي چې له دې شمېره ۱.۷ میلیونه ماشومان له شدیدې خوارځواکۍ سره مخ دي.
په اعلامیه کې راغلي چې د دې ماشومانو او میندو تر ټولو لوړه کچه په کندهار او پکتیکا ولایتونو کې ده.
یاد فدراسیون ویلي چې د خوارځواکۍ د بېسارې کچې د لوړېدو لاملونه د ۲۰۲۴م کال د مې او سپټمبر میاشتو تر منځ موده کې د دوامدارې وچکالۍ، طبیعي پېښو، له مېنو د خلکو د بېځایه کېدو، د خوړو نه خوندیتوب، بېکاري او د خلکو ناوړه اقتصادي وضعیت دی.
د یادونې ده چې د سږ کال له پیله تر اوسه د ګڼو اقتصادي ننګونو تر څنګ وچکالیو او شدیدو سېلابونو او ورښتونو هم د هېواد اکثره ولایتونه وځپل او آن زرګونه کورنۍ یې له خپلو مېنو بې ځایه کېدو ته اړ ې کړې دي.
