د امریکا د بهرنیو چارو وزارت مرستیال ویاند ودانت پاټېل یوې حبري غونډې ته وویل چې امریکا غواړي په افغانستان کې د بشري حقونو د خوندیتوب په اړه ډاډ تر لاسه کړي.
نوموړي وویل چې نړیواله ټولنه هم هوډمنه ده چې له اسلامي امارت سره تر هر ډول تعامل وړاندې په افغانستان کې د بشري حقونو په اړه ډاډمنه شي.
دا په داسې حال کې ده چې تر دې وړاندې په وار وار اسلامي امارت ویلي وو چې په افغانستان کې د ټولو وګړو حقونه خوندي دي او زیاتوي چې نړیوال دې د افغانستان په کورنیو چارو کې لاس وهنه نه کوي.
