یادې قونسلګرۍ په یوه خبر پاڼه کې ویلي چې دغو کسانو د اوسېدو قانوني اسناد هم لرل؛ خو د پاکستاني پولیسو له لوري په نامالوم دلیل نیول شوي وو.
د یادونې ده چې په تېرو دوو کلونو کې په پاکستان کې زرګونه افغان کډوال د اسنادو لرلو سربېره نیول شوي او زنداني شوي دي.
په کراچۍ د افغانستان کونسلګري د معلوماتو له مخې، په تېر یوه کال کې د دوی په هڅو د سند له زندانونو ۴ زره ۲۳۰ افغانان ازاد او هېواد ته لېږدول شوي دي.
پاکستان له تېر نومبر څه باندې شپږ لکه افغانان په جبري توګه له خپلې خاورې اېستلي او لاهم دغه لړۍ روانه ده.
کلید ګروپ په ټویټر او فیسبوک کې وګورئ
