یاده اداره زياتوي چې په افغانستان کې د سېلاب ځپلو د وضعیت ښه کولو لپاره ٦٠٠ ميلیونه ډالرو ته اړتیا لري.
د دې سازمان په خبره نږدې ١٢٥ زره سېلاب ځپلي چې ډېری یې د بغلان، فاریاب، لغمان او غور ولایتونو څخه دي، اوس له سېلابونو وروسته د دویمې میاشتې لپاره مرستې ترلاسه کوي.
یاد سازمان اندېښنه ښودلې او زياته کړې يې ده چې اصلي موضوع دا ده چې څنګه کولای شي له کافي بوديجې پرته د روان کال په راتلونکو میاشتو کې له اړمنو سره مرسته وکړي.
ډبليو ایف پي همدا راز اندېښنه څرګنده کړې چې په راتلونکو میاشتو کې به په افغانستان کې د اقلیم بدلون لا زيات شي او ويلي يې دي، دا د خوړو په خوندیتوب اغېز کولی شي.
د یادونې ده چې دوه میاشتې وړاندې په افغانستان کې ویجاړونکو سېلابونو سلګونه کسان مړه او زرګونه یې بې کوره کړل، زرګونه جریبه کرنیزه ځمکه یې ویجاړه او ګڼ شمېر څاروي یې له منځه يووړل.
