ریکشا چلوونکی صدیق الله وایي، سپرلي یې تر پخوا کمه شوې او دغه راز د تېلو بیو د لوړېدو له کبله یې هم کاروبار ټکنی شوی.
د دوی په وینا، په ښار کې یې د دوکانونو مخې ته هم خلک نه پرېږدي، تر څو د سپرلیو لپاره ودرېږي.
«دلته کارونه سره کمزوری دی د ورځی ۱۰۰ یا ۱۵۰ افغانی پیدا کوو کورنۍ راپسې ده د هغو ژوند څنګه مخته پدغه پيسو باندی یوسوو زرنجان مو یا د کرایې وی او یا هم خپل وي.»
بل خوا د ټرانسپورټ ریاست اړوند د زرنج رکشاوو نماینده ملا محمد صدیق اخند وایي، رکشاوې ډېري دي، خو سپرلي کم دي، ځکه د رکشا چلوونکو کاروبار ټکنی شوی دی.
د هغه په وینا، ځیني رکشا چلوونکي پر نمبر سپرلي نه پورته کوي، نو له همدې کبله هغوی ته دوکانداران د دوکانونو مخې ته د درېدو اجازه نه ورکوي.
«کاروبار نشته، سورلي کمه ده، زرنجان زیات دي، نو په همدې خاطر د دوی کاروبار کم شوی دی.»
د معلوماتو له مخې، دا مهال په کندهار کې شاوخوا ۳۵۰ زرنج رکشاوې فعالیت لري، خو پخوا دا شمېر ډېر کم وو.
