په دې لوبه کې سریلانکا لوبډلې لومړۍ توپوهنه وکړه او په ټاکلو ۵۰ اورونو کې یې د اسلانکا د ۹۱ منډو پر مټ ۲۶۸ منډې جوړې کړي.
افغان لوبډلې ورکړل شوی هدف د لوبې په ۴۷م اور کې د څلورو لوبغاړو په سوځېدو پوره کړ.
د افغانستان لپاره ابراهیم ځدران په ۹۸ توپونو ۹۸ منډې جوړې کړې او د لوبې د غوره لوبغاړي جایزه یې هم تر لاسه کړه.
د افغان لوبډلې لوبډلمشر حشمت شاهدي وايي، تمه شته چې راتلونکې دواړه لوبې هم وګټي او دغه لړۍ د افغانستان په نوم کړي.
ټاکل شوې چې افغان لوبډله به سبا سهار د افغانستان پر وخت نهه نیمې بجې له سریلانکا سره دویمه یو ورځنی لوبه وکړي.
کلید ګروپ په ټویټر او فیسبوک کې وګورئ
