ads

په فرزې ولسوالۍ کې د لسګونه ناروغانو درمنله شوې

په افغانستان کې د ملي لوړو زده کړو موسسې له لوري د کابل د فرزې ولسوالۍ اړوند «د ده پایان» نجونو په لېسه کې په وړیا توګه د سلګونو ناروغانو درملنه شوې.

کامران احمدزی
13 غبرګولی 1402
په فرزې ولسوالۍ کې د لسګونه ناروغانو درمنله شوې

له یادې موسسې څخه کلید ته په رالېږل شوې خبرپاڼه کې راغلي چې په دغو ناروغانو کې د عمومي داخلې په څانګه کې د ۳۲۵، د کوچنیانو په څانګه کې ۱۳۸، د هډوکو په برخه کې ۸۵، په نسايي ولادي څانګه کې ۷۶ او د غاښونو په څانګه کې د ۲۷ ناروغانو درملنه شوې ده.
د دغې موسسې عملي مرستیال ډاکټر ذبیح الله حارث ویلي، په پام کې لري چې په نږدې راتلونکي کې یو شمېر هغو لرو پرتو سیمو ته هم خپل روغتیايي ټیمونه ولېږي چې روغتیايي خدماتو ته په کې لاسرسی سخت وي.
په همدې حال کې فرزې ولسوالۍ ولسوال محمد عثمان عثماني هم د یادې موسسې دا کار ستایلی او هیله یې څرګنده کړې چې په راتلونکې کې هم خلکو ته وړیا روغتیايي خدمات برابر کړي.
په دې یو ورځني کمپ کې د هغو ناروغانو درمنله شوې چې د بې وزلۍ له کبله یې د خپلو ناروغیو د درملنې توان نه درلود.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2024

Copyright 2024 © TKG: A public media project of DHSA