ads

په سویډن کې قرانکریم ته د سپکاوي په غبرګون د زابلي ولس لاریون

د زابل مرکز کلات کې نن سهار لس بجې زرګونه کسان راټول شوي وو او په سویډن کې یې د قرانکریم د بې حرمتۍ او سوځونې پرضد لاریون ترسره کړ.

احسان الله ولسمل
5 سلواغه 1401
په سویډن کې قرانکریم ته د سپکاوي په غبرګون د زابلي ولس لاریون

لاریونوالو د مقدس کتاب قرانکریم د بې حرمتۍ په هکله خواشیني څرګنده کړه او د یاد عمل ترسره کوونکو ته يې د ترټولو سختې سزا غوښتنه وکړه.
د غونډې په وروستیو کې یو شمېر ګډونوالو له اسلامي نړۍ او نړیوالې ټولنې وغوښتل چې د دا ډول جنایتونو په وړاندې په اتفاق سره ودریږي او هیچاته باید اجازه ورنکړل شي چې د یوه عظیم نفوس او حقیقي دین اسماني کتاب ته سپکاوی وکړي.
ویناوالو دا ډول عمل د ټولې نړۍ امنیت ته خطر وباله او زیاته یې کړه چې سویډن باید په دې هکله ځواب ویوونکی وي او که چیري داسې ونه شي نو په نړیوالو تورو لیستونو کې دي شامل کړل شي.
دا په داسې حال کې ده چې پرون هم په خوست ولایت کې سلګونو کسانو په همدې تړاو لاریون کړی وو.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2023

Copyright 2022 © TKG: A public media project of DHSA