یادې ادارې پرون ناوخته پر ټوېټرپاڼه لیکلي چې جبري بېځایه کېدل د ښځو او نجونو پر وړاندې د تاوتریخوالي د ګواښ جدي کېدو سبب کېږي او په وینا یې، اوس یې وخت دی چې له بشري حقونو د سرغړونې دغه لړۍ ودرول شي.
که څه هم یادې ادارې په کور دننه د دومره کسانو د بېځایه کېدو نور علت نه دی ښودلی، خو لیدل کېږي چې په هېواد کې وچکالي، بې روزګاري او لوږه هغه عوامل دي چې د هېواد په بېلابېلو سیمو کې کورنۍ ورسره مخ دي.
د یادونې ده چې د نوامبر میاشتې ۲۵مه د ښځو پر وړاندې د تاوتریخوالي له منځه وړلو نړیواله ورځ هم وه.
له هغې نېټې راهیسې د دې ستونزې د حل لپاره ۱۶ ورځنی کمپاین روان دی.