ads

په سوریه کې د ترکیې پر پیل شویو عملیاتو نیوکه

سوریې تور پورې کړی چې ترکیه د دوی په هېواد کې هغه سیمې بمباروي چې کنټرول یې د سوریې ډیموکراټیکو ځواکونو په لاس کې دي.

کامران احمدزی
6 لیندۍ 1401
په سوریه کې د ترکیې پر پیل شویو عملیاتو نیوکه

د سوریې ډیموکراټیکو ځواکونو قوماندان مظلوم عابدي د شنبې په ورځ یو خبري کنفرانس ته ویلي چې د سوریې په شمالي برخو کې له یوې اوونۍ بمبار وروسته، اوس ترکیه په دې سیمه ځمکنیو عملیاتو ته چمتووالی نیسي.
نوموړي ویلي چې د ترکیې په هوايي بریدونو کې د دوی زیربناوو ته لوی زیان اوښتی.
عابدي زیاته کړې چې د ترکیې له دغه اقدام وروسته، دوی اړ شوي چې د داعش خلاف عملیات ودروي.
هغه په خپلو خبرو کې ویلي، په استانبول کې د نومبر پر ۱۳مه نېټه له چاودنې وروسته، ترکیه غواړي چې د سوریې په شمالي برخو کې د کردي وسله والو پر وړاندې عملیات وکړي.
د نومبر په ۱۳مه نېټه د ترکیې په استانبول کې چاودنه وشوه چې لسګونه کسانو ته یې مرګ ژوبله واړوله.
کردي وسله والو په یاد برید کې لاس درلودل رد کړي وو.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2023

Copyright 2022 © TKG: A public media project of DHSA