ads

د «جان بولټن» د وژلو پلان

د امریکا عدلیې وزارت د ایران د سپاه پاسداران پر یوه غړي تور لګولی چې د امریکا د ملي امنیت پخواني سلاکار «جان بولټن» د وژلو دسیسه یې جوړه کړې وه.

کامران احمدزی
20 زمری 1401
د «جان بولټن» د وژلو پلان

د امریکا د عدلیې وزارت په یوه خپره کړې اعلامیه کې ویلي، دا کس «شهرام پور صفي» نومېږي او د مهدي رضايي په نوم یې شهرت درلود.
پر صفي تور دی چې په تېر ۲۰۲۱ کال کې یې له یو امریکايي څخه غوښتي و چې که جان بولټن ووژني، نو دی به ورته ۳۰۰ زره امریکایي ډالر ورکړي.
په اعلامیه کې زیاته شوې، ایراني وګړي دا کار د قاسم سلیماني د غچ اخېستلو لپار کاوه.
په همدې حال کې بیا بولټن پرخپله ټوېټرپاڼه د امریکا د عدلیې وزارت له دغه اقدام مننه کړې.
پخپله د ایران حکومت هم تر اوسه په دې اړه غبرګون نه دی ښودلی.
د یادونې وړ ده چې جان بولټن د ایران له سر سختو منتقدینو څخه دی.
هغه له ایران سره د ۲۰۱۵ کال له اټومي تړون سره هم سخت مخالف و.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2022

Copyright 2022 © TKG: A public media project of DHSA