ads

«د افغانستان په کورنیو چارو کې لاسوهنه نه کوو»

د افغانستان لپاره د چین ځانګړي استازي یوشیایونګ تېره ورځ د رئیس الوزرا له سیاسي مرستیال مولوي عبدالکبیر سره کتلي.

نویسنده: shams
20 زمری 1401
«د افغانستان په کورنیو چارو کې لاسوهنه نه کوو»

له ارګ څخه په خپره شوې خبرپاڼه کې راغلي، د چین استازي په دې لیدنه کې ویلي چې هېواد به یې له افغانستان سره خپلو مرستو ته دوام ورکړي، خو هېڅ وخت به یې په کورنیو چارو کې لاسوهنه ونه کړي.

هغه زیاته کړې چین د افغانستان ځمکنۍ بشپړتیا ته درناوی لري او په ټولو نړیوالو کنفرانسونو کې یې د افغانستان د کنګل شوې شتمنۍ د ازادېدو غوښتنه کړې ده.

یوشیایونګ زیاته کړې چې افغانستان ته به د چین الوتنې بېرته پیل شي او پلان لري، څو د دوی واردات افغانستان ته زیات شي.

په همدې حال کې د رئیس الوزرا سیاسي مرستیال په افغانستان کې د پانګونې او د چینايي پانګوالو د امنیت په اړه ډاډ ورکړی.

مولوي کبیر زیاته کړې، اسلامي امارت له ټولو هېوادونو سره د ښو اړیکوغوښتونکی دی.

د یادونې وړ ده چې یو شیایونګ تر دې وړاندې هم د اسلامي امارت له یو شمېر لوړ پوړو چارواکو سره کتلي وو.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2022

Copyright 2022 © TKG: A public media project of DHSA