د ۲۰۱ خالد بن ولید قول اردو څخه کلید ته په رالېږل شوي خبرپاڼه کې لیکل شوي، چې د اسلامي امارت ځواکونو د ننګرهار ولايت مرکز جلال آباد ښار او شاوخوا سيمو پیل کړیو چاڼیزو عملیاتو کې ۵۴۵ میله بېلابېلې سپکې او درنې وسلې، ۱۱ عراده وسایط، زرګونه فیره د مختلفو وسلو مرمۍ او نور ګڼ شمېر تجهیزات ترلاسه کړي دي.
د یادې قول اردو ویاند مولوي وحیدالله محمدي کلید سره په خبرو کې وویل، چې په دې عملیاتو کې د احسان الله په نوم یو تن هم د انسان تښتونکو له منګلو ژغورل شوی دی.
باید یاده شي، چې واک ته داسلامي امارت له رسېدو وروسته د هېواد په ډېرو ولایتونو کې چاڼیز عملیات پیل شوي، چې ګڼ شمېر وسلې او مهمات هم د اسلامي امارت د ځواکونو لاسته ورغلي دي.
کلید ګروپ په ټویټر او فیسبوک کې وګورئ
