نوموړي یو وار بیا هغه خلکو ته د خوندیتوب ډاډ ورکړ کوم چې له هېواده د بهر تللو په نیت د کابل په هوایي ډګر کې شپې او ورځې تېروي.
مجاهد زیاته کړه، اسلامي امارت ټولو هغو خلکو ته عفوه کړې کوم چې د دوی پر ضد جنګېدلي دي؛ خو بیا هم دوی وېره لري.
نوموړي له دیني عالمان وغوښتل چې د خلکو دغه وېره ختمه کړي او هغوی ته د ژوند کولو ډاډ ورکړي.
ذبیح الله مجاهد همدارنګه د خپلو خبرو په دوام ټولو دولتي مامورینو ته ډاډ ورکړ چې د پخوا په څېر به خپلو دندو ته دوام ورکوي او هیڅ کس به له دندې نه ګوښه کېږي.
دا خبرې داسې مهال کېږي چې طالب مشران د ټولشموله حکومت د جوړولو لپاره په مشورو بوخت دي خو تر اوسه په دې برخه کې ورستۍ پایلې ته نه دي رسېدلي دي.
کلید ګروپ په ټویټر او فیسبوک کې وګورئ
