د ۲۰۳ تندر قول اردو ویاند ایمل خان مومند وایي، تېر ورځ افغان ځمکني او هوایي ځواکونو د لوګر ولایت محمد آغي ولسوالۍ اړوند زرغون ښار په سیمه کې د طالبانو پر وړاندې عملیات کړي دي چې په پایله کې وسلوالو طالبانو ته مرګ ژوبله اوښتې.
د نوموړي په خبر د عملیاتو په پايله کې د ۶ تنه پاکستانیانو په ګډون ۲۸ تنه وسله وال طالبان وژل شوي، ۵ تنه نور يې مرګوني ټپيان شوي، او ۲ تنه یې ژوندي نیول شوي.
همداراز ۲ عرادې فیلډر موټر او زیاته اندازه وسلې او مهمات یې له منځه وړل شوي.
وسلوالو طالبانو تر اوسه په دې تړاو څه نه دي ویلي.
کلید ګروپ په ټویټر او فیسبوک کې وګورئ
