د امنیه قوماندانۍ خبرپاڼه وایي، دغه کسان د کابل میربجه کوټ ولسوالۍ په مربوطاتو کې د پولیسو د اوپراتیفي عملیاتو په پایله کې نیول شوي دي.
خبرپاڼه زیاتوي نیول شویو کسانو په یادې ولسوالۍ کې وسلواله غلا او نورو جنایي پېښو کې لاس درلود.
د خبرپاڼې له مخې پولیسو له دغو غلوو څخه یو عراده کرولا ډوله موټر او دوه میله کمري وسلې ترلاسه کړي دي.
پولیس په کابل کې د وسلوالو غلو د نیولو خبر داسې مهال ورکوي چې، ددې ولایت ډېر شمېر وګړي لاهم په دې ښار کې د وسلوالو غلو له فعالیت څخه وېره لري او له پولیسو د وضعیت د کابو کولو غوښتنه کوي.
کلید ګروپ په ټویټر او فیسبوک کې وګورئ
