په کابل کې د امریکا سفارت په خپره کړې اعلامیه کې د افغانستان روان تاوتریخوالي په تړاو اندېښنه ښودلې او د جګړې پر ټولو لورو په ځانګړي ډول پر طالبانو یې غږ کړی چې د یوه هر اړخیز اوربند لپاره کار وکړي او ژر تر ژره دې افغانستان کې تاوتریخوالی پای ته ورسي.
په اعلامیه کې د سولې خبرو پر دوام ټینګار شوی او ویلي چې د افغانستان کشاله یوازې د خبرو له لارې د حل وړ ده.
په اعلامیه کې له وسلوالو طالبانو غوښتل شوي چې ژر د سولې خبرو ته داخل شي او افغانان له روان کړاو څخه خلاص کړي.
امریکا دا غوښتنه داسې مهال کوي، چې د افغان دولت اووه کسیز پلاوی په دوحه کې له طالبانو سره دوه ورځني بحث څخه وروسته هېواد ته راستون شوی؛ خو ناسته یې د پام وړ لاسته راوړنه نه درلوده.
کلید ګروپ په ټویټر او فیسبوک کې وګورئ
