له یاد وزارت څخه په خپره شوې خبرپاڼه کې د میرزکوال له قوله راغلي چې د امنیتي حالت ښه کېدو لپاره پر برنامو کار روان دی او ډېر ژر به د وسله والو مخالفینو له لوري د نیول شوو سیمو د بیرته نیولو لپاره عملیات پیل شي.
ده د هرات اوسېدونکو ته ډاډ ورکړی چې د امنیتي پلانونو او برنامو په پلي کېدو سره به د هرات په امنیتي حالت کې مثبت بدلون راشي.
په دغو مراسمو کې د هرات والي عبدالصور قانع هم شتون درلود.
کورنیو چارو وزارت پر داسې مهال دا څرګندونې کوي چې په دې وروستیو کې د هرات ولایت یو شمېر ولسوالۍ د طالبانو او افغان سرتېرو تر منځ لاس په لاس شوې دي.
د دغه ولایت اوسېدونکي هم له حکومت د امنیتي حالت ښه کېدو غوښتنه کوي.
