د بهرنیو چارو وزارت په اعلامیه کې راغلي چې دغه تصمیم په پاکستان کې د امنیتي ګواښونو د له منځه وړلو او تښتوونکو ته د جزا ورکولو له امله نیول شوی دی.
اعلامیه زیاتوي، ټاکل شوې چې د افغانستان لوړ پوړی پلاوی په نېږدې راتلونکي کې د دې قضیې د پلټنې لپاره اسلام اباد ته سفر وکړي.
بهرنیو چارو وزارت ویلي چې د دغه پلاوي د پلټنو په پایله کې به راتلونکي ګامونه هم پورته شي.
دا په داسې حال کې ده چې په پاکستان کې د افغانستان د سفیر لور سلسله علي خېل د روانې چنګاښ میاشتې پر ۲۵مه وتښول شوه او تر شکنجې وروسته خوشې شوه.
افغان حکومت او طالبانو دواړو دا پېښه غندلې او په تړاو یې د پلټنو او عاملینو ته د جزا ورکولو غوښتنه کړې ده.
پاکستان بیا د افغان حکومت د دې پرېکړې په غبرګون کې خواشیني ښودلې ده.
